高登熱話

香港人電視台的誕生

林祖舜9年5個月之前發表

前晚出席o左城市電訊的「一個電視台的誕生——新台命名.節目試映禮」。新台命名為「香港電視」,係一個為香港人服務的電視台。為香港人服務,聽起來有o的奇怪,但細心想,越來越多本地服務業並非為香港人服務了,例如廣東道有邊間舖係為我o地服務?好多電視、電影都係以賣埠為主,加插好多海外或內地的人同景,甚至當地的文化,越來越沒有本土特色了。

王維基認為香港有創意的人最有價值的係我o地o既頭腦。的確,我o地近年各行各業都話要衝出海外及進軍內地,於是為了迎合當地文化而改變,漸漸失去了應有的價值。有本地特色的事物已經買少見少了。

睇完香港電視十二套劇集及四套資訊節目的trailers,令我眼前一亮。我會用「驚喜」和「誠意」來形容。大家可以放心,今次唔係爭產加N角戀,而係青春歌舞、華哥及智叔的警察、林文龍的整容醫生、韓式吸血鬼愛情、夏雨及鮑喜靜的溫情、元華的武打,甚至連頭都甩埋的恐怖劇都有。其中一套資訊節目係勇闖我o地最想移民的瓦努阿圖活火山,另外還有在美國追捕龍捲風的驚險過程。有別於睇開的「紀錄片」,今次堅係用現場畫面令觀眾感受當地的險況,而唔係主持坐定定o係架車度靠把口話危險。引用林文龍前晚的一句說話:「觀眾返屋企追劇的日子即將重臨。」但唔知係咪要等到2046,到底係發哥追到數先,還是王維基有免費電視牌先呢?

作為電視觀眾,我絕對希望多o的免費電視台。多o的競爭,先會進步,香港只有兩個免費電視台實在太少了。而作為IT人,我亦支持電訊出身的王維基,他每每俾人驚喜及期望,想當年電訊業遭遇寡頭壟斷,消費者打IDD又貴、上網又貴,全靠他的CTI及香港寬頻才能打破這個局面,為消費者帶來廉價的選擇。最後,身為關心香港發展的香港人,假如我o地要走出困局,我肯定香港不單止需要一個王維基,係需要好多個王維基!

香港電視HKTV網站:http://www.ctihk.tv/
開放天空我撐More TV Stations網站:http://www.moretvstation.com/



PS:為o左同一眾巴打絲打有更多交流,我一有時間就會在高登日報寫o下專欄。
我現在自爆自己的高登戶口(用真名上高登,唔知有冇人信?):
http://forum.hkgolden.com/ProfilePage.aspx?userid=184965

亦開了新的Facebook戶口及專頁和大家及CD-ROM交流:
http://www.facebook.com/hkgoldenceo
http://www.facebook.com/hkgoldenjoe

相關文章

更多文章

高登廚神用咩刀具

於 1年4個月之前發表

近排想買把家用刀開魚切肉, 關孫六/關龍作 好唔好?
物料係不銹鋼唔係高碳鋼屋企用應該易打理啲?...

詳細閱讀

趁新年特價買咗the last of the us part2

於 1年4個月之前發表

冇玩過1會唔會唔明劇情
有咩注意 難唔難玩...

詳細閱讀

痴線竟然冇傳媒報道!hktv業務有重大突破!

於 1年4個月之前發表

Hktv要進軍海外了!首站台灣!
另外亦幫緊其他公司做電商平台!...

詳細閱讀

大家辭職信會唔會寫真正離職原因?

於 1年4個月之前發表

大家辭職信會唔會寫真正離職原因?...

詳細閱讀

黃金咖喱豬扒

於 1年4個月之前發表

新一年新開始,抺走霉運,希望大家都黃金滿屋,笑口常開
黃到金咖喱豬扒,咖喱汁超正送飯一流!...

詳細閱讀

深水埗被歧視

於 1年4個月之前發表

深水埗被歧視...

詳細閱讀