大家好，每年到左呢個時候，如果可以，大家都會自己一丁友對住電腦，自然亦都會一齊上高登。或者發下post回望過去進展良好o既事，又或者展望來年發生o既事，例如膠事、改圖、Admin o既工作等等。除左對個人同巴絲打之外，我地亦都會對高登進行整體評估同展望。我地可以睇到過去一年，高登有好多方面都有良好o既進展。

先講果D Admin同會員全部都有好好o既表現：

首先我地o既民主進程已經邁進一大步，成功進行官方舉辦o既每月之星選舉，而提名及投票門檻都一樣低，所有會員都一定可以參與。
o向會員方面，上地書展共有7本由我地高登會員贊寫o既作品推出，甚至有一位會員作品更搬上大銀幕，成功向外界展示高登會員o既獨有文化同創意。

高登今日o既成就，可以話係會員同管理員團隊共同努力o既成果。

有一個問題，亦係我被人問得最多o既一個問題，就係未來o既高登會否同過去一樣咁成功，咁多人想收購呢？我o既回覆樂觀，而呢個並唔係盲目o既樂觀。如果我話高登冇任何困難或者問題，冇人會相信。

有兩個原因：
第一係我地將會落實普選時間表，o向今年一月開始o既每月之星之上，於2014年1月進行全年之星選舉，充份體現民主精神。
第二係高登仔討論風氣越來越好，而我地o既管理制度恒之有效，而我地亦已經積極研究方法以減少小圈子post對其他會員o既影響。

我相信，大家o既努力，一定能令高登，取得更卓越o既成就。

在此我恭祝大家 新春快樂 身體健康 馬到功成 橫財就手 最緊要係 上多D高登 多謝各位。

One more thing…