高登熱話

皮膚好唔再只係夢想
廉價護膚品一樣work!

賜酒女皇9年2個月之前發表

「皮膚好真係只係夢想o黎!」雪櫃妹絲打咁講喎!真係咁難?其實唔難!Niko_Bellic絲打話:「基本上日日食生果,飲夠水,做運動早目訓就得,你身體冇毒素自然唔殘。」但係有幾多人做到先?

「一日一蘋果」、「每日八杯水」、「日日運動身體好」呢o的洗腦式口號,真係發夢都識得背!sosad!不過作為城市人,無論係打工奴隸定中學雞,日日都忙到hihi,要做到晒咁多樣o野,真係難到hihi!飲水同食個生果都話唔難做到,但係做運動同早目訓就真係好奢侈鳥!加上香港人出名唔使目訓,忙完一日,點都要上下網、打鋪機先安樂!噢!咁快又到深夜鳥!sosad!

所以呢,搵o的護膚品補一補,都係要o既!精明o既巴絲打,揀護膚品當然唔會一味要貴要威啦!平靚正先係王道!花咁多錢供養明星代言人,不如養靚自己啦!

對付敏感、水份不足、多油、毛孔粗大、膚色不均等問題o既方法,原來可以好簡單!都係洗個面,補補水,敷多個mask就搞掂!真係咁簡單?Less is More是常識吧?搞得多花臣唔代表有效喎!揀護膚品都一樣,睇返一眾巴絲打o既選擇,原來都幾多人鍾意蘆薈gel、菜瓜水、茶樹油、綠茶、杏仁酸呢o的比較天然o既產品喎!而且都係幾十蚊至百零蚊,日常粗用唔怕心痛!再勁o的!可以自家製「綠泥x礦泉水deep clean mask」,自己話晒事!

等本宮都分享一個「深宮自家亂來護膚秘方」啦!就係「幼砂糖 x Baby Lotion手部磨砂膏」喇!用過包你白白滑滑!不過玩完記得洗手呀!唔好惹蟻呀!

BTW!今晚冇事忙o既話,記得早o的目訓呀喂!咁就自然紅粉緋緋,白裡透紅,青靚白淨,唔使葡萄人o地啦!


【好似剝殼「支」蛋咁白滑!】

好羨慕d人素顏都唔殘!一齊入黎講下廉價護膚!
http://forum7.hkgolden.com/view.aspx?type=EP&message=4442310

相關文章

更多文章

高登廚神用咩刀具

於 1年7個月之前發表

近排想買把家用刀開魚切肉, 關孫六/關龍作 好唔好?
物料係不銹鋼唔係高碳鋼屋企用應該易打理啲?...

詳細閱讀

趁新年特價買咗the last of the us part2

於 1年7個月之前發表

冇玩過1會唔會唔明劇情
有咩注意 難唔難玩...

詳細閱讀

痴線竟然冇傳媒報道!hktv業務有重大突破!

於 1年7個月之前發表

Hktv要進軍海外了!首站台灣!
另外亦幫緊其他公司做電商平台!...

詳細閱讀

大家辭職信會唔會寫真正離職原因?

於 1年7個月之前發表

大家辭職信會唔會寫真正離職原因?...

詳細閱讀

黃金咖喱豬扒

於 1年7個月之前發表

新一年新開始,抺走霉運,希望大家都黃金滿屋,笑口常開
黃到金咖喱豬扒,咖喱汁超正送飯一流!...

詳細閱讀

深水埗被歧視

於 1年7個月之前發表

深水埗被歧視...

詳細閱讀