高登熱話

國師功力升級再引罵戰

呀羊6年1個月之前發表

◆ 圖片由發達喇提供
有國師之稱嘅陳雲喺高登一直有唔少人留意,時事台周不時有會員討論國師嘅言論。咁又係,國師喺Facebook嘅勇武指數同好多高登鍵盤戰士有得揮,而且重有大鵬金翅鳥護身咁利害,自然能夠引領群眾打出鍵盤勝仗啦!
尋日國師嘅一番言論又再引起時事台熱烈討論,國師在其主要戰場Facebook上,轉貼中大學生會CUSU幹事石姵妍於雨傘廣場上講話嘅照片,而且用「行動果然升級了」為題。國師轉載令石同學反撃,隨即於Facebook回應他的言論是性暴力:「這樣嘲諷我的胸部正正是一種性暴力,無人可以恣意取笑、控制我的身體,[...]你同樣是透過性暴力嚇怕參與社運的女性,意圖使她們不再敢提社區工作、不敢再出來抗爭。」

有網民話陳雲嘅言論只係說雨傘運動升級,不過,睇番國師post嘅留言,原來國師又補多句「看圖。不評論[...]」咦!再睇得深入啲,國師又不停like性暗示嘅comment,莫非國師嘅升級真係有「升cup」之意?討論區班咸濕仔加國師信徒梗係一味話人哋係「左膠」、「被害妄想症」、「刻意谷大對波」等等,勁流流食地球話:「如果說:果然升cup了,就是性暗示,但升級有乜問題?」石姵妍有冇會錯意,如高登人所說「對號入座」?睇怕都係得國師先知。會員廢JOHN二世認為國師擺明冼佢,而海公公則說:「國師不嬲扮傻引傻佬入計。」國師係傻又好,識法術都好,睇嚟佢喺鍵盤哩條戰線又打勝一仗喇!除咗引到石同學發文攻擊外,亦惹嚟一班咸濕仔及反女權主義人士留言,不如你都一齊追帖湊吓熱鬧!

【伸延閱讀】
學聯女生:陳雲用性暴力攻擊和恐嚇社運女性,阻人抗爭
http://forum2.hkgolden.com/view.aspx?type=CA&message=5521658

相關文章

更多文章

高登廚神用咩刀具

於 13日之前發表

近排想買把家用刀開魚切肉, 關孫六/關龍作 好唔好?
物料係不銹鋼唔係高碳鋼屋企用應該易打理啲?...

詳細閱讀

趁新年特價買咗the last of the us part2

於 13日之前發表

冇玩過1會唔會唔明劇情
有咩注意 難唔難玩...

詳細閱讀

痴線竟然冇傳媒報道!hktv業務有重大突破!

於 14日之前發表

Hktv要進軍海外了!首站台灣!
另外亦幫緊其他公司做電商平台!...

詳細閱讀

大家辭職信會唔會寫真正離職原因?

於 14日之前發表

大家辭職信會唔會寫真正離職原因?...

詳細閱讀

黃金咖喱豬扒

於 14日之前發表

新一年新開始,抺走霉運,希望大家都黃金滿屋,笑口常開
黃到金咖喱豬扒,咖喱汁超正送飯一流!...

詳細閱讀

深水埗被歧視

於 14日之前發表

深水埗被歧視...

詳細閱讀