唔少動畫同電影中均出現小型全息投影裝置，角色打開部手機就有個虛擬人形助手，甚至跟遠方親友投影通訊。iNews24報導，Apple
台灣研究室開發緊嘅秘密武器，或者唔係OLED芒咁簡單，而係具備裸眼全息投影技術嘅屏幕！
Apple一直以嚟對VR、AR等虛擬技術均有強烈興趣，多次收購相關公司，例如擁有表情捕捉技術嘅
FaceShift。而去年亦成功申請互動投影屏幕專利，用家能使用各種手勢，操控由屏幕投射而成嘅立體影像，包括放大縮小、移動、旋轉等。
另外，科技公司Ostendo早前展示以微型LED投映器製造嘅全息投影，無需戴上任何特殊裝置，已經睇到細小嘅立方體。恰巧Apple於2014年就收購咗LuxVue，該公司專門研究micro-LED顯示技術。將種種線索串連起嚟，Apple似乎下緊一盤大棋喎，但相信開發需時，即使消息屬實，未來兩、三年內亦不會正式面世。