吃喝玩樂

巴絲打玩eSports
WGL亞太區第二季總決賽

Jack4年7個月之前發表

關於WGL亞太區第二季決賽嘅跟進報導終於終於嚟到第三回,亦都係最終回。決賽已經打咗,但兩隊來自中國嘅隊伍竟然內閧,最終究竟係點一回事呢?且看下文分解。
真‧半斤八両
決賽夜,兩隊來自中國嘅隊伍:去年世界阿二EL GAMING(ELG)以及中國區冠軍嘅RefornGaming(RG)繼續嚮首爾龍山I’PARK eSports Studium為WGL亞太區第二季嘅冠軍以戰。賽前我同兩隊嘅選手傾咗一陣,原來佢哋平日練習都係會成日對打,戰績方面就各有千秋。RG個目標就係打倒EL拎冠軍,而EL就係為咗贏自己而打。門面上就講到大家實力半斤百両,但我自己就覺得潛台詞有人係有啲輕敵。

決賽改由最快取得7分嘅一隊贏,同樣地7 vs 7,每隊擁有68分去編排出戰的戰車Cost,其他例跟準決賽時一樣。一開波,RG第1局以堅強嘅防守加上製造出比更多DMG,令到ELG於尾段要急攻,結果反而輸得更慘。第2局RG改變戰術,主動出擊,火炮攻擊大幅度重創ELG主力,RG從而再取一局。第3及第4局ELG好似瞓醒,用返佢哋最熟嘅快速主攻戰術,以高速戰車為主力搶攻,呢兩局係好睇嘅,亦為ELG拎返2分。第5局,ELG又改戰術,因為地圖擁有多掩護物,決定以3部重戰車為主力,寧要攻力放棄機動力,結果都幾奏效,但最後都只能以佔領對方陣地而贏呢一局,未能全殲對手。第6局,RG以牙還牙,更深入虎穴成功贏返一局。打完8局,雙方各得4分,又真係幾叮噹馬頭喎!我本來諗住可能仲有排打,點知繼續3局ELG好似師兄弟返嚟咁,連取3局,最後7:4贏到冠軍。其實用文字形都真係描寫得唔夠,不如睇返YouTube足本重溫仲好啦,好正架!
EL GAMING唔單只贏得WGL亞太區第一季及第二季嘅冠軍喇,總數120,000美金嘅獎金唔知點使呢下?
EL GAMING唔單只贏得WGL亞太區第一季及第二季嘅冠軍喇,總數120,000美金嘅獎金唔知點使呢下?
呢頭先打完比賽,轉頭就要接受車輪式訪問,其實都幾攰。
呢頭先打完比賽,轉頭就要接受車輪式訪問,其實都幾攰。
RefornGaming VS. EL GAMING呢個戲碼堅係好睇!
RefornGaming VS. EL GAMING呢個戲碼堅係好睇!
◆ 兩位Wargaming.net嘅高層—右手面嘅Deon Pek(Head of Customer Relations, Asia)以及左手面嘅Jini Jun(Senior eSports Manager, Asia)。
後話
話說比賽前,我有同Wargaming兩位亞洲局高層傾過兩咀,我就問佢哋,會唔會將Console版嘅《World of Tanks》、平板版本嘅《World of Tanks Blitz》或《World of Warships》加入WGL到呢?佢哋兩位都話是否將一隻Game加入WGL,最緊要睇多唔多人玩,上面講嗰3隻Game目前Fans base都未去到可以開到WGL呢個級數嘅比賽,所以短期內都未有相關計劃。反而硬體並唔係問題,只要一眾選手都係用返同樣嘅硬體配置的話就冇問題。

去到呢度,2015-2016年度分區賽季亦都正式結束,EL GAMING以大熱之勢殺入下個月於華沙舉行嘅 WGL Grand Finals世界賽,介時將會聯同積分第二高的GOLD BASS一齊代表亞太區,同來自歐洲、獨聯體、俄羅斯、中國、北美等分區的高手爭取終極王上王之位。我暫時唔知有冇機會去現場睇喇,有的話就再帶多啲關於eSports嘅料俾大家聽呢,第一次嚮高登呢到講eSports,希望冇悶親大家。對於eSports你可能有好多嘢想知或想問,唔緊要,即管問,丟個email嚟[email protected]畀我啦!儘答。

相關文章

更多文章

《曼達洛人》Xbox手掣開價過千銀

  於 5小時之前發表

Xbox One雖然在遊戲陣容上不及PS4,但有時Xbox系列配件搶眼程度比PS還要高。Disney+《曼達洛人》第二季即將首播,微軟率先公布《曼達洛人》主題手掣,不過定價高達US...

詳細閱讀

《星戰》Oscar Isaac飾演Marvel新英雄Moon Knight

  於 6小時之前發表

Disney+平台內容快速擴張,Marvel劇集甚至有機會比電影更易入屋,而Marvel一眾超級英雄將來可以在劇集、電影來回crossover,「錢」途無可限量。據報《星球大戰》新...

詳細閱讀

電影《Uncharted》公布湯賀蘭Nathan Drake造型照

  於 4日之前發表

Naughty Dog熱門遊戲《Uncharted》改編成電影的消息足足傳了十年有多,到今日各位fans終於見得到男星湯賀蘭的年輕版Nathan Drake造型照,為《Unchar...

詳細閱讀

《殺神John Wick》過山車明年初登陸杜拜

  於 7日之前發表

《殺神John Wick》系列不斷擴展,衍生劇亦在籌備中,而片商Lionsgate將《殺神John Wick》電影權變成杜拜Motiongate快門樂園的主題過山車。...

詳細閱讀

PS4玩家收系統通知「語音對話或會被錄音」

  於 11日之前發表

昨日PlayStation 4主機推出8.0系統更新,不少玩家在升級出現朋友清單及通訊功能故障等問題,多人連線遊戲更加是「重災區」,有機會令遊戲無法執行。現時官方建議玩家在修復前暫...

詳細閱讀

《魔物獵人》真人電影公布正式預告!睇預告估到全片劇情

  於 12日之前發表

《魔物獵人》真人電影的正式預告終於出爐,與大部分網民對前導預告的劇情推測一樣,故事設定是現代軍隊意外掉入異世界,受到魔物的襲擊及遇上神秘的魔物獵人協助下求生。
...

詳細閱讀