吃喝玩樂

【有圖】日夜鍛鍊去取勝!
Pokemon GO玩到啦

女漢子5年之前發表

有冇發現今朝喺街出現好多「奇行種」,攞住部手機左行右行好似睇羅庚咁,仲忽然發出興奮嘅叫聲?原因係萬眾期待嘅《Pokemon GO》今日正式上架App Store同Google Play Store,好多人第一時間做訓練員!入咗Store搵唔到?隻game暫時只於澳洲及新西蘭上架,不過大家總有自己嘅方式下載到,你懂的,等筆者介紹吓個遊戲玩法啦。
要做小智嘅朋友,第一步梗係裝咗隻game先。Android用家喺呢方面較有優勝,理論上只要部機行Android 4.4或以上,拖個apk檔落嚟裝咗佢搞掂。不過經過編輯部全體同仁瞓身測試,用ASUS機嘅啟動遊戲後一致面臨無限黑芒,load極load唔入,可能關粒Intel CPU事。至於iPhone用家要行多幾步,先申請澳洲或新西蘭Apple ID,再入去當地App Store方能下載。

克服以上難關後開啟《Pokemon GO》,首先會出現角色畫面,畀各位設定性別、臉型、衣著等,選擇唔多,筆者開心得濟唔記得截呢部份嘅圖,之後正式投入Pokemon世界。大地圖結合咗GPS定位按玩家處身地點繪製,大家可以睇吓附近有咩小精靈出沒,不過機會唔等人,等太耐就會閃走。你亦可以開埋AR功能,拎住部手機對住現實畫面周圍行,考驗人品睇吓遇到咩小精靈。以下邊截圖為例,筆者就撞到隻寶石海星。長按下方精靈球,目標小精靈上出現光圈,最好睇準光圈縮至最細時拋出精靈球,投中目標代表成功。罕有小精靈出沒機率有幾高?我就唔知喇,但身邊有朋友坐車途中彈咗隻夢夢出嚟。
大地圖
大地圖
附近有咩小精靈呢?得影都估到嘅
附近有咩小精靈呢?得影都估到嘅
寶石海星出現了
寶石海星出現了
丟個精靈球出去
丟個精靈球出去
成功捕捉
成功捕捉
隨星附送糖果,未夠糖果進化唔到
隨星附送糖果,未夠糖果進化唔到
成功捕捉同時會為你帶來糖果,主要用嚟升級同進化。另外,同Pokemon動畫訓練員一樣,玩家會有圖鑑顯示返手上嘅小精靈種類,更加設置獎章系統。當然唔少得用嚟賺錢嘅課金元素,精靈球用晒梗係要買,特殊道具亦不會預先提供。交易以Pokecoin為貨幣單位,每100 Pokecoin賣$8,足以買20個精靈球,$8捉廿次價錢可以接受。至於道館戰,因為筆者返工期間唔得閒刷級,level太低玩唔到,敬請大家自行發掘。溫馨提示,捉精靈還捉精靈,行街記住要睇路睇車。

19:00更新:官方發覺海外流量過大,疑似已鎖區,海外IP無法正常遊玩,虛擬GPS定位等均告無效。

圖鑑,新手上路暫時仲好空
圖鑑,新手上路暫時仲好空
獎章系統
獎章系統
道具一覽
道具一覽
想要多啲球同道具,請課金
想要多啲球同道具,請課金
100 Pokecoins買到廿個球
100 Pokecoins買到廿個球
設定畫面
設定畫面

相關文章

更多文章

香港本地薑Simplist 3D探索解謎遊戲 《Lilulu》 清田愛未療癒系曲風正式登陸手機

編輯部  於 1個月之前發表

《Lilulu》是一款以捉迷藏為基礎的3D探索解謎類付費遊戲,由香港獨立遊戲團隊Simplist所開發。遊戲現已於手機平台上推出,稍後亦會在Steam平台上發售。

...

詳細閱讀

英雄殺手強勢來襲!《我的英雄學院:最強英雄》全新角色「汙點」限定卡池限時開啟

資料由客戶提供  於 5個月之前發表

小萌科技有限公司(KOMOE Technology INC,以下稱為小萌科技)代理發行的全新 3D 動作手機遊戲《我的英雄學院:最強英雄》今(28日)宣布英雄殺手「汙點」限定角色及...

詳細閱讀

年度最期待頂級大世界MMORPG《仙域M》於12月31日火爆上線!

資料由客戶提供  於 6個月之前發表

由易亨數位行銷有限公司代理發行的頂級大世界MMORPG手遊《仙域M》於12月31日雙平台正式上線!成為2020年頂級RPG手遊的收官之作!為慶祝事前預約人數突破40萬人次,官方釋出...

詳細閱讀

超可愛!老協珍推出『Hello Kitty賀年菜 佛跳牆』首度登陸香港

資料由客戶提供  於 6個月之前發表

過年傳統名菜「佛跳牆」都可以超可愛!喺台灣80年老字號嘅老協珍,除咗廣為人知嘅熬雞精、人蔘精、美顏飲等健康產品之外,每年過年推出嘅Hello Kitty佛跳牆,都令到香港粉絲引頸以...

詳細閱讀

Netflix開拍《刺客教條》真人劇

  於 8個月之前發表

Ubisoft《刺客教條》遊戲系列長出長有,人氣度多年來保持高企,而真人版改編劇將會登陸Netflix。《刺客教條》屬於Ubisoft與Netflix合作的頭炮,該協議還包括把其他...

詳細閱讀

《Cyberpunk 2077》再延期!推遲至12月10日推出

  於 8個月之前發表

《Cyberpunk 2077》是本年度最備受期待的遊戲之一,該開放世界遊戲的規模史無前例地龐大,經歷多次延期後,開發商CD Projekt Red再度公布《Cyberpunk 2...

詳細閱讀