欣欣（簡欣汝）係今年動漫節入面其中一位Show Girl，點解高登無啦啦淨係搵佢做訪問？咪就係因為有唔少讀者都想知佢係邊個囉！每年動漫節Show Girls影片收視都唔錯，今年段片揀咗其中兩位靚靚model做開版相，引嚟大量讀者追問佢哋嘅資料，佢哋就係Candice Chu同埋來自台灣嘅欣欣。

其實Candice久唔久喺高登文章開版相出現，而上年動漫節Show Girls片佢係第一位出場。至於欣欣係PlayStation為咗動漫節而特登由台灣請嚟嘅其中一位Show Girl，由於欣欣喺會場工作到7月31號就完，8月1號返台灣喇，所以當大家睇到呢篇文章嘅時候，可能佢已經返咗去，好彩筆者趕得切喺佢臨收工前捉住佢影相拍片。