2014年Skully高科技電單車頭盔於眾籌網集資，具備後置廣角鏡頭、導航透明屏幕及支援語音操控，好似Iron Man頭盔咁正，當時籌得過200萬美金。結果Skully近日宣布停止運營，同唔少眾籌騙案一樣爛尾收場。

該公司前行政助理Isabelle Faithhauer向Skully提出訴訟，或者俾大家睇到Skully CEO Marcus Weller及其兄弟Mitch點樣使用資金。Faithhauer稱Weller兄弟經常要求佢造數欺騙投資者，以「商業用途」掩飾資金實際上為私人支出，包括往夏威夷及中國旅行、租住三藩市Marina區公寓、租用及購買名車，以及睇脫衣舞等。不過，不得不承認Skully「呃得較有心思」，例如之前借出頭盔做測試、拍片公布頭盔投產等。