吃喝玩樂

薄餅.意粉.炸雞
速遞薄餅邊間好

巴絲打4年8個月之前發表

屋企得三、四丁友,咁啱阿媽約咗師奶圑去街唔理你,叫外賣薄餅, 係絕對合乎邏輯同家庭倫理嘅選擇,一來趁阿媽唔喺屋企梗係嗌埋哂啲「冇益香口嘢」,二來食完又唔使猜包剪揼屈人洗碗,仲有最緊要嘅就係百零兩百蚊送埋上門,連落街都慳番。
今次我哋成個圑隊出動,雄心壯志,一炮過嗌咗PHD薄餅博士、 Pizza Bird芝味鳥同埋Pizza-Box做比拼,集中比較二款食品:薄餅、焗肉醬意粉同炸雞,雖然人腳唔多,但點都要清晒佢呀!
PHD薄餅博士
整體格局比較平民化,除咗做外送同自取,舖面亦設有少量座位俾人堂食,有唔少一人餐望落幾抵,就算毒拎自己一個去都冇問題。PHD選擇算多,佢除咗有芝心 批,仲有雙拼批同芝皇脆邊批,鍾意試新嘢嘅朋友不妨挑機。

為咗公平起見,我哋會揀最多料嗰款非海鮮類薄餅,而佢哋個名通常叫做「乜寶物寶」。PHD我哋睇中咗「PHD多寶芝皇脆邊批」,貪佢貌似有特色。筆者本人非常迷戀芝士,食嗰陣諺住可以好似暴龍咁 狠狠地扯啲芝士出嚟耀武揚威,點知'一入 口發現到啲芝士乾乾哋,冇咩芝士香味之 餘,甚至其他配料嘅味道亦甚為單調。

意粉方面,一開蓋就睇得出佢榮登大比拼劣食之冠:肉醬少,麵身乾/調味仲淡過燕麥。食住意粉嗰時筆者開始後悔,因為印象中好似冇邊間薄餅外賣出名焗肉醬意 粉好食,依家我仲要食晒三間……

筆者對剛才兩款食物十分失望,但嚟到炸雞呢個環節,PHD拎番唔少分數。由於 我哋叫外賣,唔係啱啱炸起,但聞落一樣好香,外皮仍然好脆,唔會油淋淋,咬落雞肉嫩滑juicy,最緊要係乜?係雞有雞味呀! PHD呢款炸雞件個皮仲落咗獨特嘅香料,件雞零舍好味,掂呀!

薄餅:★ 意粉:★ 炸雞:★★★
**以上評分只比較三間的排名,最高分者只代三間中最好,反之亦然。



Pizza Bird芝味鳥
老老豆豆,原本落order前冇Pizza Bird份,論佢喺香港嘅知名度,比唔上原先想試嘅 「Pizza Express」,但後者竟然話送貨地址唔包括我哋公司嗰區,又唔係咩山旮旯地方,真氣憤!筆者只好再上網search,一搵就搵到呢間識喺網上賣廣吿嘅Pizza Bird。

Pizza Bird薄餅冇花巧餅皮,淨分厚同薄。原本睇menu有個勁多料嘅「環遊世界」批,點知職員講只可以揀三款料......依家叫車仔麵定三餸飯先?咁筆者唯有揀個「歡笑樂園厚批」,點知就是咁的中鳥伏,因為個厚批真係好厚、好厚、好厚……厚過喺餅店買到嘅pizza包,配料乾得嚟又係冇乜味,如果你想叫個薄餅唔只為頂肚,唔建議大家叫呢間嘅厚批。

佢嘅焗肉醬意粉值得一讚,睇得出佢有誠 意,不單止肉醬夠多,麵身彈牙,最驚喜係佢偷偷哋放咗幾塊辣肉腸喺意粉上面。 不過誠意還誠意,好食還好食,兩樣嘢 嚟,個意粉搞完一大輪,肉醬依然係咁清淡,我已經睇唔透。

唔計件炸雞凍咗,感覺上佢啲油都係多咗 少少,雖然凍晒先食係我錯(好似係), 但滲出嘅油量偏多,姑勿論筆者是咪肥到冇得救,見到咁油膩,是人類也會退避三舍吧。如我先前提到,嚿雞放耐咗,但個皮咬落幾脆,可惜Pizza Bird堅守自己一貫標準:冇乜調過味。

薄餅:★★ 意粉:★★★ 炸雞:★



Pizza-Box
單計外賣薄餅,Pizza-Box算香港最多人識嘅一間,賣廣吿賣到開晒巷,直入正題。呢間終於揀到勁多料嘅「超級多寶批」,而且係芝心批,啱晒我!可能因為料多,個批係三個之中味道最豐富嘅一個,不過芝士批邊仍然冇乜香味,但計餅底佢算最易入口,比較鬆軟。

三個意粉當中,佢嘅表現中規中矩,肉醬分量同賣相未必令你眼前為之一亮,但亦 未至於敷衍到出晒面。味道方面……同樣係咁寡(我開始懷疑三間嘢是咪夾埋。) 我只能宣佈,揀著焗肉醬意粉去比較,屬於戰略錯誤。

炸雞嚟講不過不失,夠脆又唔會話太油, 單論口感甚至可以話三間之中最好,但你 食落總覺得唔夠香,加上同場PHD炸雞狀態大勇,令筆者要求同認知提高不少。 不過問心嗰句,如果平日叫Pizza-Box, 我識我點都會整返兩件雞過口癮。

薄餅:★★★ 意粉:★★ 炸雞:★★


總結
今期大比拼筆者滿心期待,諗住大飽口福, 肥仔天生鍾意食薄餅,尤其係舖滿芝士嗰 隻。可惜試食嗰三款薄餅同樣淡而無味, 可能我時運低,又或者三間薄餅店廚師愛隊噚晚齊齊輸波,於是大家一齊唔落調味。至於我對三間舖出品意粉一開始已經 冇乜期望,如果好食就當bonus ,點知出bonus只係我一廂情願槪諗法。

三間嘅炸雞都穩陣,Pizza Bird嗰隻輸蝕咗啲,不過始終送到上嚟,要等齊人又要影晒相先開餐,難免攤到凍晒,襯熱食應該係OK嘅。總體而言,Pizza-Box個批 比較出色,另外兩間叫雞都OK,或者下次嗌pizza嗰陣試吓要求「多醬」,跟住求神拜佛個批唔好兜勻成個區先送到,入到門就一定要趁熱食,唔好諗住打完舗機至埋位開餐。

相關文章

更多文章

香港本地薑Simplist 3D探索解謎遊戲 《Lilulu》 清田愛未療癒系曲風正式登陸手機

編輯部  於 19日之前發表

《Lilulu》是一款以捉迷藏為基礎的3D探索解謎類付費遊戲,由香港獨立遊戲團隊Simplist所開發。遊戲現已於手機平台上推出,稍後亦會在Steam平台上發售。

...

詳細閱讀

英雄殺手強勢來襲!《我的英雄學院:最強英雄》全新角色「汙點」限定卡池限時開啟

資料由客戶提供  於 4個月之前發表

小萌科技有限公司(KOMOE Technology INC,以下稱為小萌科技)代理發行的全新 3D 動作手機遊戲《我的英雄學院:最強英雄》今(28日)宣布英雄殺手「汙點」限定角色及...

詳細閱讀

年度最期待頂級大世界MMORPG《仙域M》於12月31日火爆上線!

資料由客戶提供  於 5個月之前發表

由易亨數位行銷有限公司代理發行的頂級大世界MMORPG手遊《仙域M》於12月31日雙平台正式上線!成為2020年頂級RPG手遊的收官之作!為慶祝事前預約人數突破40萬人次,官方釋出...

詳細閱讀

超可愛!老協珍推出『Hello Kitty賀年菜 佛跳牆』首度登陸香港

資料由客戶提供  於 5個月之前發表

過年傳統名菜「佛跳牆」都可以超可愛!喺台灣80年老字號嘅老協珍,除咗廣為人知嘅熬雞精、人蔘精、美顏飲等健康產品之外,每年過年推出嘅Hello Kitty佛跳牆,都令到香港粉絲引頸以...

詳細閱讀

Netflix開拍《刺客教條》真人劇

  於 7個月之前發表

Ubisoft《刺客教條》遊戲系列長出長有,人氣度多年來保持高企,而真人版改編劇將會登陸Netflix。《刺客教條》屬於Ubisoft與Netflix合作的頭炮,該協議還包括把其他...

詳細閱讀

《Cyberpunk 2077》再延期!推遲至12月10日推出

  於 7個月之前發表

《Cyberpunk 2077》是本年度最備受期待的遊戲之一,該開放世界遊戲的規模史無前例地龐大,經歷多次延期後,開發商CD Projekt Red再度公布《Cyberpunk 2...

詳細閱讀