自從西洋菜南街俾一眾金舖電器舖同自由行所佔據，一向同高登仔有牙齒印嘅MK仔MK妹好似忽然喺地球上消失一樣。但早兩三年忽然彈咗兩隊年輕男子組合出嚟，其造形雖然係想模訪最流行嘅K-pop，但出嚟嘅效果偏偏畀大家好MK嘅感覺，而且仲不其然諗起解散多年嘅E-KIDS，自此E-KIDS就無啦啦成為咗「MK-pop」始祖。最近佢哋三條友竟然出返嚟開演唱會，唔多關事嘅數碼捕籠就喺呢個月黑風高殺蟲夜捉咗佢哋三個嚟問個究竟……
我哋係一班被選中嘅細路（！？），喺命運嘅巨輪下，每個成員分別加入左唔同嘅科技界別：遊戲界、音響界、手機界、電腦界。
可能喺另一時空，我哋仲係一事無成，但係喺呢個時空，我哋集合埋一齊，建立左一個平台，每個星期六都會做一個半小時節目，去分享科技資訊、趣聞，間中又會拍埋開箱文，同大家一齊交流。
呢個，就係我哋數碼捕籠！