DC超級英雄劇集通常同電影係「平衡時空」式存在，電影版同劇集版角色以不同演員飾演，出身背景亦唔相同。《葛咸城》Jerome Valeska究竟係咪「真．小丑」仲未揭曉，但佢位情人兼拍檔小丑女Harley Quinn就將會現身。

漫畫同電影《自殺特攻》內，小丑係喺阿卡漢精神病院遇上精神科醫生Dr. Harleen Quinzel，但按照而家故事進度，呢個橋段似乎唔太可能發生，畢竟Bruce Wayne同Jerome Valeska都仲係少年，未化身成蝙蝠俠同小丑。監製John Stevens稱第3季22集結局Quinn有可能出場，並成為第四季事件中嘅觸發點，但搵邊個年輕女演員飾演仍屬高度機密。