2009年市場調查公司NPD發現Apple喺US$1,000以上電腦市場中，佔有率高達91%，MacBook、iMac被視作專業人士象徵。時移勢逆，隨住微軟Surface等產品強勢登場，兼且Apple自己抆走多個重要接口，Win機再次同Mac處於同一水平線。

Bloomberg記者Dina Bass表示，近日微軟財務總監Amy Hood同佢講，上季微軟OEM夥伴喺高階PC市場贏咗Apple，佔有率比對方更高。微軟收入亦相應增加，從OEM廠商賺到嘅系統授權費因而上升5%。咁大件喜事，遲啲佢哋一定會公布實際數字。Apple聲稱新MacBook Pro係旗下最暢銷嘅手提電腦型號，好賣但佔有率下降，係咪意味住吸唔到新客呢？