《死侍：不死現身》成績超卓，間接幫Fox開拓出一條有別於《變種特攻》嘅新路向，而其中一套就係有關變種人傭兵軍隊X-Force嘅電影。據ComicBook.com消息來源透露，呢套未有正式名稱嘅X-Force電影已經搵到導演同編劇。

Joe Carnahan將執導電影同編寫劇本，佢曾經做過導演及編劇嘅出名作品包括《通天奇兵》、《極地戰狼》及劇集《The Blacklist》。 《死侍》男星賴恩雷諾士為X-Force一片監製，佢會參與埋故事創作之餘，預計亦會以死侍身分演出。消息人士指二人已經展開籌備工作。