近排超多勁Game推出，而上星期最矚目嘅應該就係Bandai Namco嘅《機械人大戰V》。呢隻係同系入面第一隻官方中文化嘅遊戲，而且譯名更有採用香港譯名，大家玩起上嚟特別投入同興奮。不過今次好奇怪，就係喺遊戲推出當日，已經同步推出第一個DLC，究竟係咩胡蘆賣咩藥呢？今集數碼捕籠就同大家講下。
我哋係一班被選中嘅細路（！？），喺命運嘅巨輪下，每個成員分別加入左唔同嘅科技界別：遊戲界、音響界、手機界、電腦界。
可能喺另一時空，我哋仲係一事無成，但係喺呢個時空，我哋集合埋一齊，建立左一個平台，每個星期六都會做一個半小時節目，去分享科技資訊、趣聞，間中又會拍埋開箱文，同大家一齊交流。
呢個，就係我哋數碼捕籠！