Nokia借名還魂隨便出一部3310（2017），全世界就流到一地口水，過多排旗艦機出嚟仲得了？大陸網路傳聞稱採用Snapdragon 835處理器嘅Nokia旗艦手機會喺6月前後發布，其中一款為雙主鏡頭配置。
爆料人稱Nokia秘密生產緊兩部高階機，同樣係內置S835、4GB/6GB ROM，屏幕一大一小，主鏡頭像素至少達2,300萬像素，其中之一更會使用全金屬機身兼擁有雙主鏡頭。預計定價超過¥4,000（HK$4,498），大芒雙鏡款可能突破¥4,500（HK$5,060）關口。相比其他同級機種，價位其實都算親民，但Nokia Mobile日前宣布往後新機再冇蔡司認證鏡頭，拍攝表現要重新估計。