吃喝玩樂

試食老麥3款Signature新包
EotF店1800後送餐到面前

KM6年9個月之前發表

麥當勞全線推出三款全新Signature系列新包,用上咗高級嘅食材,連套餐包裝都改埋,再加上客人可以選擇McCafe其中四款食品,實行走高檔路線, 但出嚟又唔係貴過以往一般套餐好多喎!我哋一於狗衝去為大家試下呢三款全新高級食材包包係咪物有所值先。
今次三款就包包括有芝味蘑菇安格斯漢堡、清新田園烤雞堡同埋狂惹火辣脆雞堡。全部採用更高級嘅食材,連其中安格斯漢堡扒都比以往加碼,睇到已經會覺得同麥當勞以往嘅所有包都完全唔同級數。
芝味蘑菇安格斯漢堡
法式甜包配達130g嘅100%安格斯牛肉漢堡扒,再加入車打芝士同白芝士、香烤荷蘭蘑菇、羅馬生菜同埋松露風味醬。筆者親身試過覺得松露醬同芝士夠香、牛肉味濃又Juicy又夠分量,完全係食肉獸之選。

清新田園烤雞堡
鍾意清新口味嘅朋友呢個清新田園烤雞堡就啱晒,用小麥圈夾上嫩滑烤雞,配以墨西哥牛油果蓉、新鮮蕃茄同生菜、蒜香蛋黃醬同白芝士。呢個筆者食落就覺得真係有好濃厚嘅田園風味,牛油果蓉味濃又清新,烤雞夠香夠滑,雖然較油但連同其他田園配料反而夾得恰到好處,口感與味道都一流。
狂惹火辣脆雞堡
要食辣呢個狂惹火辣脆雞堡肯定唔可以錯過。採用意式香軟包配以脆香雞胸扒,配以墨西哥風味辣茄醬、墨西哥小辣椒仲有新鮮生菜同菠蘿。筆者一啖咬落去發現同時會有鬆軟同爽脆口感,酸甜香辣味道亦同時於口中爆發,雖然幾辣但又唔會令人抗拒,甚至會一試上癮!呢度順手提提大家,呢個包可以叫小辣,咁就算真係食唔到辣嘅朋友都可以試到啦!

◆ 新Signature系列連個餐嘅包裝法都唔同
五款McCafe飲品入理餐
隨住Signature系列嘅推出,麥當勞更將四款McCafe當中嘅飲品加入套餐當中畀大家選擇,咁先襯得起呢幾款高貴嘅包包架嘛!呢四款飲品包括Cappuccino、Latte、Long Black同埋冇咖啡成份嘅Oreoccino。

My Signature選擇更多
上面介紹三款包打後會喺全線麥當勞長期供應,大家就可以慢慢去試真唔使咁心急。不過大家覺得仲唔夠嘅話,麥當勞仲提供咗「My Signature」畀大家選擇。以上三款包都分別由唔同嘅麵包、蔬菜醬料同埋牛肉/雞肉組成,而「My Signature」就係畀大家於三組各三款當中自由組合,變成有額外多24款選擇,等大家可以製出最合自己口味嘅款式。

力推EotF講體驗
可能有唔少朋友都已經發現近一年唔少麥當勞分店已經改頭換面,新增咗唔少設備。原來佢哋係想提供一個全新嘅EotF(Experience of the Future)服務模式。內容包括咗自助點餐機、電子餐牌、開放式櫃台、USB充電站、自助水機等。而去到每日黃昏6點以後更會提供送餐到客人面前嘅服務。據有關方面表示,現時已經有60間分店改成EotF模式,計劃去到年底會增加至100間,到時大家就可以好易搵到EotF店去享受新一代嘅服務體驗。
全新開放式櫃台
全新開放式櫃台
自助點餐機,會有專人教你點用
自助點餐機,會有專人教你點用
除咗既定三個款式,仲可以揀「My Signature」去自選唔同租合
除咗既定三個款式,仲可以揀「My Signature」去自選唔同租合
飲品款式亦更多
飲品款式亦更多
每晚6點後,點完餐會有專人送餐,記得入返你個牌嘅number呀!
每晚6點後,點完餐會有專人送餐,記得入返你個牌嘅number呀!
部份位置會USB頭比你充電,不過線要自己帶
部份位置會USB頭比你充電,不過線要自己帶
依家可以自己斟水,冷熱隨意
依家可以自己斟水,冷熱隨意

相關文章

更多文章

《足球小將翼:夢幻隊伍》5週年線上見面會 禮物滿送‧完美落幕

資料由客戶提供  於 1年5個月之前發表

由KLab開發、以著名足球漫畫改編的手機遊戲《足球小將翼:夢幻隊伍》已經上架5週年,在現今不斷有手機遊戲關服的情況下,實屬非常難得。官方為了令遊戲可以行更長的路,於是舉辦今次見面會...

詳細閱讀

《賽馬娘Pretty Derby》繁體中文版事前預約開始

資料由客戶提供  於 1年7個月之前發表

由日本Cygames開發、小萌科技(KOMOE TECHNOLOGY LIMITED)代理的超人氣養成遊戲《賽馬娘Pretty Derby》繁體中文版,於今(4月27日)正式開始官...

詳細閱讀

《魔戒:開戰時刻》今日雙平台正式上線魔戒 爭奪大戰即刻引爆

資料由客戶提供  於 1年8個月之前發表

《魔戒:開戰時刻》宣佈今日於雙平台正式上線!戰略家可以前往App Store、Google Play下載遊戲,踏入J.R.R托爾金的奇幻中土世界,體驗史詩級的宏偉戰役,與各方勢力爭...

詳細閱讀

華納兄弟消費品部再度與香港口罩製造商「異度空間工作室」攜手為一眾哈利波特迷設計推出第二代平面口罩!

編輯部  於 2年之前發表

哈利波特系列電影已經不知不覺踏入上映20周年,一眾原班人馬演員聚首一堂重返「霍格華茲」!...

詳細閱讀

香港本地薑Simplist 3D探索解謎遊戲 《Lilulu》 清田愛未療癒系曲風正式登陸手機

編輯部  於 2年6個月之前發表

《Lilulu》是一款以捉迷藏為基礎的3D探索解謎類付費遊戲,由香港獨立遊戲團隊Simplist所開發。遊戲現已於手機平台上推出,稍後亦會在Steam平台上發售。

...

詳細閱讀

英雄殺手強勢來襲!《我的英雄學院:最強英雄》全新角色「汙點」限定卡池限時開啟

資料由客戶提供  於 2年10個月之前發表

小萌科技有限公司(KOMOE Technology INC,以下稱為小萌科技)代理發行的全新 3D 動作手機遊戲《我的英雄學院:最強英雄》今(28日)宣布英雄殺手「汙點」限定角色及...

詳細閱讀