《薩爾達傳說：荒野之息》破天荒獲外媒一致畀滿分，被質疑過度吹捧，但無可否認新game連Switch新機有一定吸引力。例如鹹片網站YouPorn自Switch 3/3上市起，網站流量連續幾日下跌。

根據YouPorn官方數據，自報為機迷嘅用戶懷疑因為掛住玩Switch，令3月3號該用戶群登錄數較往日下降15%，接著落嚟嘅周末亦有同樣情況，星期六、日分別少17%及13%。不過相對地，同Switch有關，尤其係《薩爾達傳說：荒野之息》嘅鹹片需求大增。男主角「Link」搜尋數激增164%，搵「Zelda」嘅都多咗102%。其他關鍵字如「Nintendo」、「Mario」、「Princess Peach」等錄得升幅約16%-37%不等。