◆ 今次呢個「東京之夜」係由星級名廚Stanley Wong所設計

麥當勞早前推出咗三款全新口味Signature系列產品，實行以高檔次去吸引有更高要求嘅客人。估唔到佢哋咁快又推出一款新嘅Signature口味，就係呢個「東京之夜」。講到明「東京」當然會帶有日式風格啦！咁究竟點日式法呢？

呢個包本身用返之前狂野脆雞相同嘅Buttermilk脆炸雞胸扒，不過就改用咗同樣香軟但睇落更有型嘅芝麻墨汁包，配以香口嘅煎蛋、紅紅綠綠嘅雜菜絲，再加上日式吉烈醬同蛋黃醬，不論外表還是味道都充份表現出「東京之夜」嘅主題。呢個包由今個月28號開始就有得賣。

◆ 作為Signature系列，包裝當然唔一樣

◆ 呢個包分量唔少架

◆ 中間塊雞胸扒又嫩又多汁

因為同之前嘅狂惹火辣脆雞堡用咗相同嘅雞胸扒，筆者食落呢個東京之夜不其然就會用嚟比較。相比以辣為主要賣點嘅狂惹火辣脆雞堡，今次呢個東京之夜會好容易食到中間塊雞胸扒嘅又脆又嫩滑口感同埋又香又Juicy嘅味道，而入面嘅蛋黃醬味道亦非常配合。不過筆者個人就覺得入面嘅醬有令成個包食起嚟咸咗少少，建議大家試嘅時候不妨選擇少醬，咁更加食到雞扒同煎蛋嘅滋味。