近排有紙包飲品品牌玩懷舊做宣傳，換返個舊包裝，仲將一個經典廣告重拍播出。呢個星期佢哋仲喺朗豪坊搞個宣傳活動，擺咗部影相機喺度等大家可以影下相懷下舊。
呢個品牌除咗將佢哋嘅飲品包裝改成三十年前果個樣，仲將當年其中一個令人印象深刻嘅電視廣告照住咁搵新男女主角完全一樣咁拍多次。雖然好多人談論嘅主要都係個女主角冇以前果個咁清純，男主角更加拍馬都追唔上當年嘅鄭伊健，但其實片入面有一個細位係同舊片完全唔同嘅，就係其中一部飲品售賣機變咗台相片打印機，所以新版女主角最尾拎住張相同舊版有好大出入下。今次喺朗豪坊搞嘅呢個「我的陽光年代」照相館，就準備咗一台自拍機同埋多個復古造型背景畀大家免費影下相懷舊一下，如果你當日喺朗豪坊消費滿$800再加一張有買「陽光」產品嘅單據，仲會送個旅行袋過你添！有時間經過開不妨去玩下啦！
日期：即日起至本月17日
地址：香港旺角亞皆老街8號朗豪坊7樓
開放時間：星期一至日中午十二時正至下午十時正
費用：全免（產品數量有限，送完即止）
備註：只要於活動期間在旺角朗豪坊消費滿港幣$800（最多兩張不同商戶即日電子消費）及出示一張在換領日期內於香港購買任何「陽光」產品的電子單據，即可換領「陽光」限量版旅行袋乙個。數量有限，送完即止。