一人晚餐好去處——吉野家後日起有新嘢！由4月28號起晚市將推出全新「泡菜芝士雞鍋」，以泡菜、韓式炒雞、水牛芝士、巴打至愛午餐肉等配合香辣湯底，食其他鍋食到厭厭哋，可以諗吓。

當然，鍾意原有口味嘅巴打亦可以繼續揀芝士竹輪鍋、珍寶蟹棒藍青口味噌湯鍋等，並且額外追加特切火鍋牛肉、水餃、響鈴等配料。最開心係芝士雞鍋推出同日起，吉野家火鍋時段將提早至下午5點開始，扮完工即刻落場醫肚，感覺幸福美滿。