男人三十歲仲要依賴交通工具好可憐（好似係），但如果同時有脫髮問題就更加慘。除咗用生髮水，坊間傳聞搽白蘭地有助「春回大地」，不過日本最近發現山葵（即wasabi原料）亦具備生髮奇效。

據了解山葵葉內蘊含一種名為「異肥皂草甙」（Isosaponarin）嘅化學物質，可刺激毛囊內乳突細胞（papilla cells）嘅活動，加快毛髮生長周期，生髮效果係市面上生髮水嘅3倍。佢亦能夠促進蛋白質產生，使到營養更易抵達細胞。另外，用於製作wasabi嘅山葵根部含「6-MSITC」，對乳突細胞都有類似功效。雖然以上研究結果係由日本wasabi製造商「金印」發表，但相信佢哋無吹水，因為：

1. 物質需與細胞直接接觸，進食無效

2. 以新鮮山葵為佳

而家知道下次去日本買咩手信好喇！提醒大家，唔好諗住拎其他產地嘅山葵過骨，淨係得日本山葵先有呢啲化學物質，買錯咗捽7749日都唔會有用架。