科技消費

動作控制自拍無人機
DJI Spark輕巧易用功能勁

拜人4年4個月之前發表

所謂去旅行要去到盡,去到唔同地方玩自拍當然都要拍到盡!DJI啱啱公布咗最新嘅航拍機——Spark,佢唔單只細部,仲內置好多專為自拍而設嘅功能,更加可以畀你用手做動作遙控!

雖然航拍機流行咗都唔係好多年,但技術進展得真係非常之快。尤其近一兩年,新型號不但功能強咗、便攜性高咗,甚至定價都平咗,所以就越嚟越多人玩航拍機。而航拍機嘅龍頭公司DJI,啱啱就係紐約公布咗一部全新嘅航拍機——Spark,不過佢主打嘅係畀用家「自拍」而唔係一貫嘅「航拍」。

手勢控制再專用App易用又好用
呢部機最勁嘅地方係可以完全唔使用遙控器去控制佢,只要你放佢喺手,等佢鏡頭對住你,佢認出你之後就自動起飛。之後你就可以透過指定手勢畀指令佢,控制佢飛去邊甚至直接幫你自拍,易用又方便。佢專用個App可以俾你輕易選擇四個唔同嘅自拍模式,分別有垂直上升向下拍、圍住你嚟拍、拉遠同埋一邊圍住你轉一邊拉遠。其他功能仲有可以直接點選Spark拍住嘅畫面任何一點等佢自動飛埋去同埋可以設定追蹤住指定主體。而呢個App仲可以自動幫你將拍到嘅片剪到靚一靚再直接上傳到社交媒體,非常貼心。

◆ 對住部機佢會掃瞄次你個樣,然後就會認住你跟你手勢指令。
◆ 做呢個手勢佢就會倒數幫你自拍。
◆ 用App連接之後可以直接指佢飛去你點選嘅地點。
◆ 仲可以Mark住指定主體等佢跟住拍。
兩軸防震1/2.3'感光元件鏡頭
內置機械式兩軸防震器,可以有效抵銷機身飛行擺動。鏡頭方面採用咗1200萬像素1/2.3'感光元件,焦距相當於25mm並擁有f2.6大光圈,配合UltraSmooth技術仲可以減少Rolling Effect嘅問題。不過最特別嘅係佢同時設有全景模式同淺景深模式,無論相拍清晰嘅到此一遊定係要突出主體都冇問題。
◆ 鏡頭有兩軸防震,足夠抵銷機身飛行時嘅擺動。
◆ 專用遙控器加部手機可以睇住嚟飛。
自動感應障礙物
由於呢部機係為咗簡單易用而設計,所以機身設有多個唔同感應器,再配合多達24個運算核心,喺GPS接受良好嘅情況下可以準確自動避開唔同嘅障礙物。當佢知道自己就嚟冇電或者你喺遙控器上撳咗「RTH」掣,就唔驚佢會撞到障礙物返唔到嚟。另外配合DJI GEO系統,亦識得自己避開例如係機場等嘅「禁飛區」唔會飛入去,更加保障各人嘅安全。
◆ RTH識得自動避過障礙物。
◆ 套裝咁買好似抵啲。
性能唔錯唯未夠輕
雖然佢主打自拍功能,但佢其他規格方面都好唔錯。例如最高飛行速度可以去到50kmph、配合專用遙控器可以做到2km遠嘅720p圖傳功能、電池可以飛行16分鐘等。另外佢亦都支援DJI Goggles等用家可以以第一身去感受Spark嘅視野。不過要留意呢部機重量係300g,喺一啲對航拍機已經有法律規管嘅地區可能需要實名登記先可以用。如果你係諗住去相關地區旅行諗住用佢嚟自拍,可能要先了解一下當地法律先得。

DJI Spark
鏡頭 12Mp相片/FHD影片
最高速度 50kmph
飛行時間 16min
頻道 2.400 - 2.483GHz / 5.725 - 5.825GHz
圖傳 720p
體積 143×143×55mm
重量 300g
定價 $3,899(淨機身)、$5,459(套裝)

相關文章

更多文章

免費Adobe InDesign x Photoshop x Illustrator CC 應用工作坊 / 免費Autodesk AutoCAD工作坊

資料由客戶提供  於 4日之前發表

要數近年需求大增的技能,必定是設計軟體莫屬。隨著科技高速發展,整個商業世界也在改變,例如傳統行銷行業轉向數碼行銷,實體公司走向網上商店等,不論什麼職位都有機會使用到平面設計軟體。相...

詳細閱讀

有技術就可以?入行做專業攝影師還需要注意什麼? 免費數碼商業攝影工作坊

資料由客戶提供  於 9日之前發表

科技發展,攝影器材越出越專業,而手機專業攝影鏡頭更常常是一大賣點,舉機拍照是日常生活。不過這並不代表專業攝影沒市場,相反,由於大眾對攝影重視及有所認識,對專業攝影更是有要求、有需求...

詳細閱讀

免費Android X Unity遊戲設計 / Android Apps Development開發工作坊

資料由客戶提供  於 9日之前發表

疫情爆發帶動「宅經濟」盛行,人們留在家中的時間劇增,使用Apps的時間也有增無減,生活習慣改變甚至令開發界迎來機遇。Apps開發一般分為遊戲類和非遊戲類Apps兩大類,這個分法是由...

詳細閱讀

快速精通Excel 輕鬆變身Functions專家 / VBA高手 / 大數據達人

資料由客戶提供  於 16日之前發表

出來社會工作,不論身處什麼職位大概都會有一些Excel技能攥在手中,事關Excel可以運用的場景實在多不勝數。不過略懂皮毛始終發展有限無法在辦公室中突圍而出,精通某技能才可成為不可...

詳細閱讀

轉型Digital Marketing有前景 免費Digital Marketing Workshop

資料由客戶提供  於 17日之前發表

疫情之下,很多行業面臨裁員、倒閉,不過有一個行業卻不受影反而發展蓬勃,那就是Digital Marketing(數碼行銷)。事關消費者足不出戶靠著網絡世界度日,令到商家們更意識到網...

詳細閱讀

全球人工智能競賽把握這場機遇改變命運 免費Introduction to Artificial Intelligence

資料由客戶提供  於 18日之前發表

在短短數年間,AI(Artificial Intelligence)人工智能已經由新科技變重要科技。世界各地經常會出現有關AI的新消息,澳洲、南非法院授予人工智能系統專利權、南韓A...

詳細閱讀