近年中日韓台經常出現動漫真人化作品，成績同還原度都有好有差，好似現階段睇《銀魂》感覺還可以。嚟緊堪稱經典嘅另一「魂」《棋魂》（或稱《棋靈王》）都宣布開拍改編真人劇，不過今次大濟喇，唔係日本自己拍係中國拍！

劇集由「厚海文化」及「小糖人傳媒」共同出品，導演為劉暢，海報現已釋出。呢啲細節唔好理，「強國出品」四個字足以令人心驚膽顫，加上選角、具體故事選段、改編背景設定等一概未公開，分分鐘變成穿越劇再crossover AlphaGo做瀨尿牛丸都得。特別係選角，邊個做佐為？光仔呢？塔矢亮呢？完全唔敢想像。高永夏勉強叫有人選，據聞佢原型就係同AlphaGo大戰嘅韓國棋手李世乭。