最近有件幾好玩嘅新產品叫「Bonfoton Camera Obscura Room Lens」，可以幫你將窗外嘅景色投影到你屋企入面，咁你就可以唔使晒住太陽，舒舒服服咁喺冷氣房欣賞窗外景色。
呢件由Tommi同埋Annika所創作嘅「Bonfoton Camera Obscura Room Lens」其實係一個畀你貼喺窗戶之上嘅一個鏡頭，只要你同時關埋窗簾（當然要留返個位畀佢透光啦）再關埋室內嘅燈，戶外嘅影像就會投影到室內。雖然你都可以用一張黑卡自己整個窿仔而造出類似效果，但因為Bonfoton係有聚焦鏡片，投影出嚟嘅影像會更加清晰。當你喺室外陽光普照嘅時間用佢，室內唔使直接受到猛烈嘅陽光照射而變熱，你就可以好涼快咁欣賞室外景色。當然，呢個做法亦可以為你室內佈置變得更加特別同吸引啦！而呢種雙重享受只需要€27，即約$240港幣。
