麥當勞個個月都會有新搞作，而下星期就會有一個新包同大家見面，佢就係呢個「巴啦巴啦脆雞堡」。除咗口味夠新，佢哋仲為呢個「巴啦巴啦脆雞堡」套餐整咗個「夏日全線開心價」出嚟，連中汽水同六粒脆薯嘜都只係$27，非常抵食。
「巴啦巴啦脆雞堡」以鬆軟嘅扭紋長麵包，配上鮮嫩嘅脆香雞腿扒，再加入秘製巴西風味醬、清新青瓜片同埋羅馬生菜，口感層次豐富又惹味。
除咗巴啦巴啦脆雞堡，麥當勞今期亦會保留之前嘅傻蛋孖牛堡同埋脆薯嘜。而喺嚟緊嘅星期日（七月廿三號）搞個「神秘兵團突襲麥當勞」活動，「兵團」將會突襲多間麥當勞同大家一齊玩！有興趣嘅朋友當日要留意住麥當勞香港嘅facebook專頁喇！另外當日香蕉批同蘋果批都會以HK$3.14（實收$3.1）開心價發售，食夠四個當晚餐都係$12.4（但唔知到時會唔會未到下午餐時間就賣晒）！實行同大家一齊開心過暑假！