最近喺專業攝影界發生咗件大事，就係其中一個傳統專業燈光設備大品牌Bowens要關門大吉。呢個有94年歷史嘅品牌，曾經係唔少專業攝影師嘅最佳拍檔。
其實Bownes連同另一間名為Calumet嘅攝影器材零售公司於去年已經被一家名為Aurelius所收購。當時Aurelius亦只將Bownes當成Calumet嘅附屬品，而經過一輪爭札，Aurelius就決定完全放棄Bownes。不過Calumet將會繼續為Bowens用戶提供服務，但就會同其他更多照明品牌合作，以彌補Bowens產品嘅銷售。
而Bowens方面就表示，佢哋之所以要倒閉嘅第一個原因，係一眾原本只係負責代工生產嘅中國品牌都推出自家品牌以平價同佢哋競爭。另外，該公司亦指責現時攝影師只會選擇一啲可以幫助到佢哋賺到更多錢嘅器材，而唔再好似以前咁願意花費更多喺照明器材方面。
雖然一間曾經風光嘅公司要倒閉，唔少人都會感到可惜。而佢所講公司倒閉嘅第一主因似乎有暗示其他公司做法不合道德，同時亦怪責用家消費方式轉變，但筆者認為最主要都係呢間公司自己未有及時睇出呢兩點作出相應改變，繼續活喺「過去嘅成功」所致。