早前喺E3上面Ubisoft其中一個令人非常驚喜嘅大作《Mario + Rabbids Kingdom Battle》，遊戲將任天堂最出名嘅Mario同Ubisoft旗下嘅Rabbits拉埋一齊，一睇就知會係一隻過癮抵死嘅Game。而有關方面今日更正式公布遊戲會支援中文語系，咁大家玩起嚟就當然會更加投入同開心啦！
《Mario + Rabbids Kingdom Battle》係任天堂Switch獨佔遊戲，官方正式中文譯名係《瑪利歐 ＋ 瘋狂兔子 王國之戰》，不過筆者個人都係鍾意講返「Mario + Rabbids」多啲。而今次佢支援中文語系嘅方法並唔係要你買一隻中文版嘅Game，而係當你買咗嘢英文版去返去之後，再透過下載方式將遊戲變成中文版本。
遊戲將於8月29號推出。