早前先為大家報導咗外國有消息來源確定Nikon嚟緊部新機正式型號為D850，估唔到轉個頭Nikon就喺Youtube放咗條預告片，講明係支援8K解像度縮時拍攝。
Nikon同時亦正式發布，D810嘅後繼機D850即張推出。呢部機會同時適合有要求嘅專業攝影師同埋攝影愛好者，不論主要用喺風景、商業運動、時裝同埋婚攝之上，甚至多媒體內容創作者都可以。
雖然有關方面仍未為呢部機發布任何其他詳情，但留意一下「商業運動」呢項其實可以估計到呢部D850會有好高速嘅對焦同連拍能力，似乎呢部機分分鐘可以對大佬D5有威脅喎！