如果你會經常帶任天堂Switch出街玩，買番個靚靚保護套是常識吧！但去到呢個《薩爾達傳說》皮套呢個級數，帶出街應該會變成眾人焦點。該手提皮套由Etsy網店SkinzNhydez製作，足夠放到裝上Joy-Con嘅Switch。

皮套背部另有獨立間隔擺放其他配件如充電器及遊戲盒帶，左側鑲有手挽。鞣製皮革外面刻有大量薩爾達經典標誌徽章，而內部則混合麂皮絨及羊毛，防止機身被內層刮花，非常細心。不過皮套定價一啲都唔平，定價US$220（HK$1,718），幾乎係Switch嘅三分二價錢。