吃喝玩樂

《新槍彈辯駁 V3》聲優
石田晴香專訪

KM4年1個月之前發表

今年動漫節其中一個大力宣傳嘅遊戲有呢隻下個月尾就會正式推出嘅《新槍彈辯駁 V3》。為隆重其事,遊戲嘅製作人同埋聲優都有特地嚟到香港同大家見面。我哋亦邀請到聲優石田晴香嚟同大家做個專訪。
問(記者)
答(石田晴香)
問:之前有參與過《槍彈辯駁》舞台劇演出,你覺得同今次參與遊戲製作有咩分別?
答:兩個故事其實係完全唔同世界,所以好難講有咩唔同。不過可以有份參與兩代故事嘅演出,我覺得好開心。

問:請問有冇玩過過去兩集遊戲作品?同今次《V3》比較你會有咩感想?
答:其實我都係呢個遊戲系列嘅Fans,今次可以演出我覺得好開心。至於世界觀方面,我一向都好鍾意推理故事,而作為「高速推理動作遊戲」亦都係我喜歡,雖然故事內自相殘殺係殘忍咗少少,但我都玩得好開心。

問:舞台劇演出同配音工作分別好大,你自己比較鍾意邊種呢?咁解呢?
答:舞台同聲優嘅工作係好大分別,而我自己本身一開始係想成為聲優。但如果你問會唔會因為咁而鍾意配音工作多啲呢?我就覺得好難答,因為兩者都係演出緊另一個同自己完全唔同嘅人嘅人生,所以對我嚟講都係開心有趣嘅經歷,所以根本都揀唔到。

問:今次可以參演《V3》入面入間美兔嘅角色,其實你係喺試音會中選而嚟,定係由小高先生親自欽點嘅呢?而除咗入間美兔之外,遊戲當中仲有邊個角色你都會想演出呢?
答:之前因工作有機會同小高先生傾計,佢就提及嚟緊嘅新遊戲《V3》會有一個好乞人憎,講嘢好難聽嘅角色,我就即刻同佢講我好適合演呢個角色,所以小高先生就畀咗呢個角色我演出。至於我自己比較有興趣想演嘅會係一個叫安斯嘅女仔,佢係一個成日話有「神降臨」嘅美術部女仔。因為我覺得佢感覺比較天然系,有啲電波、輕飄飄嘅感覺。對我嚟講係一個未挑戰過嘅類型,所以如果有機會都想演出下。

問:石田小姐之前都有參與過其他遊戲嘅聲演,但今次《V3》遊戲類別似乎好唔同,你感有幾大分別呢?會唔會呢個遊戲配合會難啲?
答:今次角色性格上比較獨特,本身有好多對白係唔似女仔,當中有好多字眼係我平時根本唔會講,所以對我嚟講係一個新挑戰。另外遊戲本身對白比較多,好高興小高先生畀咗好多時間佢去慢慢錄,先可以錄到最好嘅效果。

問:成個遊戲入面你最鍾意同最討厭嘅角色有邊個?
答:成個系列計我最鍾鐿係十神白交,如果淨係計《V3》我其實個個角色都咁鍾意,但如果一定要揀一個我就當然會揀返我聲演嘅入間美兔啦。至於討厭嘅角色呢,係冇架。

問:喺聲演呢個同佢性格咁大出入嘅角色時,會唔會有咩有趣嘅事發生過呢?
答:角色本身有時會成句對白一連串咁都係一啲佢平時唔會講嘅字眼,所以聲演過程中無時無刻都會覺得好有趣。比較特別嘅係角色有時會有啲自創嘅單字,有啲甚至我根本唔識讀,要去問返小高先生。呢個地方我覺得值得大家留意一下。





相關文章

更多文章

香港本地薑Simplist 3D探索解謎遊戲 《Lilulu》 清田愛未療癒系曲風正式登陸手機

編輯部  於 3個月之前發表

《Lilulu》是一款以捉迷藏為基礎的3D探索解謎類付費遊戲,由香港獨立遊戲團隊Simplist所開發。遊戲現已於手機平台上推出,稍後亦會在Steam平台上發售。

...

詳細閱讀

英雄殺手強勢來襲!《我的英雄學院:最強英雄》全新角色「汙點」限定卡池限時開啟

資料由客戶提供  於 8個月之前發表

小萌科技有限公司(KOMOE Technology INC,以下稱為小萌科技)代理發行的全新 3D 動作手機遊戲《我的英雄學院:最強英雄》今(28日)宣布英雄殺手「汙點」限定角色及...

詳細閱讀

年度最期待頂級大世界MMORPG《仙域M》於12月31日火爆上線!

資料由客戶提供  於 8個月之前發表

由易亨數位行銷有限公司代理發行的頂級大世界MMORPG手遊《仙域M》於12月31日雙平台正式上線!成為2020年頂級RPG手遊的收官之作!為慶祝事前預約人數突破40萬人次,官方釋出...

詳細閱讀

超可愛!老協珍推出『Hello Kitty賀年菜 佛跳牆』首度登陸香港

資料由客戶提供  於 8個月之前發表

過年傳統名菜「佛跳牆」都可以超可愛!喺台灣80年老字號嘅老協珍,除咗廣為人知嘅熬雞精、人蔘精、美顏飲等健康產品之外,每年過年推出嘅Hello Kitty佛跳牆,都令到香港粉絲引頸以...

詳細閱讀

Netflix開拍《刺客教條》真人劇

  於 11個月之前發表

Ubisoft《刺客教條》遊戲系列長出長有,人氣度多年來保持高企,而真人版改編劇將會登陸Netflix。《刺客教條》屬於Ubisoft與Netflix合作的頭炮,該協議還包括把其他...

詳細閱讀

《Cyberpunk 2077》再延期!推遲至12月10日推出

  於 11個月之前發表

《Cyberpunk 2077》是本年度最備受期待的遊戲之一,該開放世界遊戲的規模史無前例地龐大,經歷多次延期後,開發商CD Projekt Red再度公布《Cyberpunk 2...

詳細閱讀