早排RYNO Motors公布電動單輪車，雖然成功搶到唔少人注目，但開價達US$5295（HK$41,397），計落條數似乎另一電動單輪車MOTOPOGO性價比更高。不過，電動單輪車商機無限，話咁快Kickstarter又出現一款電動單輪車Uno Bolt，整體性能比MOTOPOGO更佳，價錢仲平，唔使過萬。

Uno Bolt加入自動平衡系統，以反應最快嘅陀螺儀協助單輪車平衡，內置1000瓦摩打及4.4Ah鋰電池，可於45分鐘內充滿電。操控方式非常簡單，駕駛者身體向前傾斜，Uno Bolt就會向前行，而向後傾斜則代表減速，握把中間配備LED面板顯示資訊。前置1000流明大燈配雙尾燈，方便於晚間行駛，early bird價US$999（HK$7,810），預計12月發貨。