相信唔少人細個睇完機械人動畫都嘗試用LEGO砌番出嚟，當然成品就……要靠少少想像力搭救啦。自LEGO Ideas出現後，凡事變得有可能，2016年4月用戶len_d69提出金剛戰神（又名百獸王）項目，成功獲票數過萬，經LEGO團隊審查後宣布投產。

1984年原版《金剛戰神》（Voltron）為美國World Events Productions將《百獸王》與 《機甲艦隊》 合併改編嘅作品，2016年Netflix製作《Voltron: Legendary Defender》亦大受歡迎，相信為LEGO Ideas項目拉咗唔少票。現時LEGO並未公布售價，預計應該都「價值不菲」，而圖片中嘅金剛戰神為len_d69原作，尚未經LEGO工程師根據公司標準修改成最終版本。用LEGO砌出嘅五獅能夠變形合體，就連非《百獸王》fans嘅小編都想入手。