外國一位專問拍攝縮時短片，同時係製作LRTimelapse軟件嘅攝影師，於上星期向Nikon發一篇公開信，希望Nikon可以喺新機上取消對第三方軟件以Wi-Fi連接相機拍攝嘅封鎖。
喺呢位攝影師嘅公開信當中，唔難睇得出佢對Nikon係特喇有愛。雖然佢製作嘅軟件並唔係Nikon獨家用得到，但佢個人嚟講似乎對Nikon相機都比較情有獨鍾。佢喺信中先毫不吝嗇咁，以好長嘅篇幅詳細講明拍攝縮時短片嘅一啲特別要求，到咗最後佢就向Nikon方面講咗一個好簡單嘅要求，就係希望有關方面可以取消相機對原廠SnapBridge軟件以外其他軟件以Wi-Fi連接嘅限制，等佢哋一眾縮時攝影愛好者可以繼續用Nikon相機拍出精彩嘅縮時短片。
雖然事件對唔特別鐘意拍攝縮時短片甚至非Nikon用家嚟講似乎唔太切身，但諗真啲如果喺近年Nikon經歷困難嘅日子可以一改過往嘅作風，對支持者嘅意見快速回應，相信至少可以扭轉到現時支持者慢慢流失嘅局面。
