日本之前推出咗隻巨型卡比獸公仔，唔少訓練員衝動起嚟無諗過屋企幾大就落單，結果發生卡比獸侵佔走廊、床舖等不幸事件。今次介紹番一件體積相對合理，又可以比你過足癮嘅Pokemon周邊，就係上圖呢件亞種椰樹獸figure。

椰樹獸於《Pokemon SUN/MOON》中基因突變成亞種，頸部（或樹幹？）向上延伸多倍，引發大量日本網民惡搞幫佢無限延長至宇宙高度。呢隻「G.G.P.ナッシー」當然唔會跟設定整成10.9m高撞爆屋頂，係1/10比例嚟，但還原度幾高，喺屋企養隻亞種椰樹獸，開住冷氣喺樹蔭下睇書，係所有訓練員嘅浪漫（好似係）。入日本P-BANDAI官網就訂到，每個¥29,800，明年1月付運。咪話筆者唔提醒你，日本P-BANDAI唔支援海外直送，想買請使用官方支援嘅中轉服務。香港P-BANDAI都未見有，或者等吓喇。