其實兩廠所遇嘅問題都可以話係完全一樣，都係如果機身安裝咗佢哋較新嘅幾支大光圈定焦鏡頭，而同時機身開著咗「鏡頭像差校正」功能，再進入LiveView模式嘅話，機身就會顯示「發生錯誤」。對於呢個問題，兩廠同時都建議用家喺用佢哋嘅鏡頭前，先將相機內「鏡頭像差校正」功能關閉，就可以避免有關問題發生。

事實上Canon近年新推出嘅單反，都需要讀取較多鏡頭資料去為影像進行修正，以令影像有更佳效果。由於機身未能讀取非原廠鏡頭資料而出現錯誤，情況亦算正常。但其實喺兩間副廠方面，本身已經為呢個情況做好準備，所設計出嚟嘅鏡頭並唔需要作事後校正，所以即使將機身校正功能閂咗，對成像並冇大影響。只係問題係當用家同時擁有原廠同副鏡鏡時，使用上會比較麻煩。

Sigma相關公布連結：https://www.sigmaphoto.com/article/canon-users-aug-2017
Tamron相關公布連結：http://www.tamron.com.hk/6dmarkii.html