同往年一樣今屆香港懷舊遊戲展都係喺香港理工大學賽馬會創新樓入面舉行，費用全免。復古盃比賽會喺星期六、日舉行，啱晒大家到時可以去參與。不過講到明係「復古」，當然唔會有最新推出嘅遊戲畀大家玩啦，其實主要都係畀大家可以一齊享受下以往更著重遊戲性嘅Video Game，同埋面對面排排座住雙打嘅感覺。不論你係帶埋小朋友想話佢知以前你細個玩啲乜，又話者根本就想緬懷兒時同朋友日日打機打到飯都唔食嘅時光，甚或只係想涼住冷氣睇下人打機，都非常適合！