近年有唔少打電競牌嘅周邊產品出爐，由於有遊戲頂尖選手加持，有名牌效應就自然受到遊戲玩家追捧。Logitech G PRO無線遊戲滑鼠為高水平專業遊戲而設計，亦係Logitech首次同電競運動員合作，而當中《鬥陣特攻》職業電競聯賽London Spitfire隊伍成員Profit拎到聯賽MVP，可見雙方合作嘅威力。

Logitech G PRO機身輕盈，憑1mm薄壁結構及獨特內骨架設計，重量只有80克。兼容Logitech G POWERPLAY無線充電系統，可無限充電和使用。內置HERO 16K感應器，透過全新鏡頭及最新追蹤演算法，可以喺整個DPI範圍內提供零加速、濾波或過濾嘅超精確追蹤，超越上代感應器性能，能提供超過400 IPS嘅速度、具像素精準度嘅16,000 DPI追蹤性能。

Logitech G PRO結合LIGHTSPEED無線技術，提供1ms回報速率、點對點無線連接及極致反應度，而LIGHTSPEED無線USB接收器可收納於滑鼠內部。滑鼠備有可移動左側及右側按鈕，而所有按鈕同LIGHTSYNC RGB照明均可通過Logitech遊戲軟件控制。 DPI按鈕設置於滑鼠底部，避免遊戲進行時誤觸。