今年係Sony首款Walkman誕生40週年，呢款便攜式音樂播放機徹底改變用戶聽歌嘅方式，雖然錄音帶、CD、MD等格式都不再流行，但黑膠唱片近年回歸成為發燒級用家嘅珍藏品，所以錄音帶翻生都唔係夢想。

NINM Lab公布藍牙錄音帶播放機「IT'S OK」，將80年代音樂科技透過藍牙5.0連接至AirPods等無線耳機，同時機身亦配備3.5mm耳機插孔。IT'S OK今日登陸Kickstarter平台，早鳥價為US$63（HK$490）起，分粉紅、白及藍三色，跟一餅60分鐘錄音帶…不過得一餅帶又點夠用？