高登熱話

【威院護士初步確診 醫護怒斥反應遲緩】

高登記者8日之前發表

醫管局總行政經理何婉霞是表示,威爾斯親王醫院內科病房有一名女護士昨日初步確診新型冠狀肺炎(又稱武漢肺炎,下稱武肺),相信不是院內感染。本記電話訪問了一名於同院工作的醫護人員,得悉初步確診護士於10C工作,對方同時怒斥醫管局反應遲緩,更道出鮮為人知的院內情況,從而質疑當局如何能斷言不是院內感染。

記者:Jeffrey C. Ybanez (白影)
2020.7.27
醫管局總行政經理何婉霞是日於記招上表示,威爾斯親王醫院內科病房有一名女護士昨日初步確診武肺,由於她家中有確診者,故相信不是院內感染。何婉霞同時表示初步確診女護士,在內科普通科病房工作,不需要進入隔離病房,最後一日上班是本月19日。

一名於威爾斯親王醫院工作的醫護接受本記電話訪問,指出相關護士的先生及女兒亦為武肺確診者。上星期開始放大假,不用上班,但考慮到潛伏期間亦有上班,受訪醫護直斥10C病房到現在亦未有任何對應措施:「ICN (infection control nurse)話個姑娘平時都有戴口罩,所以病房嘅同事同病人唔係密切接觸者,所以冇相應措施,醫院係冇任何措施加強防疫!」

因此不少醫護感到心灰意冷:「果邊嘅同事都幾心灰意冷,有人寧願上嚟隔離病房做,起碼有裝備又已知病人係確診者,相對比較易防範。」

初步確診者潛伏期間有工作 不能完全排除院內感染

受訪醫護表示初步確診同事於潛伏期時有上班:「姑娘如果真係中咗招,計埋佢14日嘅潛伏期,成個病房都好高危。如果中咗先嚟做野,咁佢班同事點算? 同事照顧緊病人點算? 咁呢幾日住果度嘅病人出院,變相有機會造成隱形傳播鏈?單野其實前日已經知,今日先公佈,仲要到今日冇無相應措施,完全係反應遲緩!」

就ICN的說法,本記指出當局過去多次亦以有口罩為由,在多宗醫院內感染個案時表示爆發風險不高,受訪醫護表示不認同並帶出一個很重要的資訊:「如果戴口罩就冇事嘅,老人院就唔洗係全體隔離啦!而且當局無公佈一樣好重要嘅資訊,之前有的士司機中咗,佢老婆係我哋度(威爾斯親王醫院)做清潔,咁啱又有喺10C做過,佢老婆已確診同入院。點解醫管局可以咁斷定,唔係院內感染?醫院暫時想用個姑娘放咗一星期大假嚟搪塞住大家把口!」

就近日武肺再爆發,有多宗都跟醫院有關,有普通病房病人確診,又有醫護感染。現在威院再有一宗醫護初步確診,但院方毫無對應,受訪者威院醫護怒斥:「漠視醫護同病人安全,簡直係嫌病房工作唔夠多,挑戰病房承載量的底線。醫院連幫全體病人同醫護留深喉樣本措施都冇,係推緊全世界去死!」本記追問:「你講到冇幫全體病人同醫護留深喉樣本,但政府早前幫司機、護老院職員等高危群組,近日有成三萬幾個測試結果。現在又話會推到去埋街市同慈雲山居民等,你會唔會覺得政府大細超,無視你地醫院醫護都係高危群組?」

對方回應指不合理:「如果你話隔離病房有齊裝備,有病徵先留樣本都算合理。但普通病房裝備唔齊,又係高危工作,點樣無得留樣本?當局根本係賭徒心態,博冇人出事。但如果當出咝事既時候,挽救已經太遲。」本記再問:「咁早前有普通房因有感染情況,病房都會Lockdown(封鎖),唔俾新症入,驗哂冇嘢先開返。點解今次完全冇類似措施,你覺得合理嗎?」對方指不合理:「唔合理。上次係病人,病人確診喺病房;今次係護士,確診冇返工,醫院就想推得一乾二淨,完全排除佢係病房內感染,同可能在病房傳播既可能性。」

#白影 #高登 #高登新聞部

高登新聞部需要你嘅支持

Payme:https://qr.payme.hsbc.com.hk/2/EHXFoABoMJH1422DuwMCPF
FPS:2834836(Alive ! Media & Communications Limited)
Paypal:https://www.paypal.me/hkgolden?country.x=HK
銀行帳戶:Alive ! Media & Communications Limited
Hang Seng Bank Account 254-8-055066

如果想支持高登記者,歡迎大家以單次/月費贊助形式捐款畀我哋。
詳情請至:https://news.hkgolden.com

相關文章

更多文章

高登仔點睇GANTZ

於 7小時之前發表

漫畫
有咩評價?...

詳細閱讀

今日玩煙燻

於 7小時之前發表

煙三文魚同eels...

詳細閱讀

點樣改善不擅辭令、成日講錯嘢嘅situation?

於 8小時之前發表

唔通真係要睇多啲中文小說,睇下Harry potter chamber of secrets,咁樣一日做一次,做一年,就會令自己講嘢都會有進步?...

詳細閱讀

你哋鍾意食咩炒飯?

於 8小時之前發表

請出招...

詳細閱讀

二十年前今日《真・三國無雙》橫空出世 你還記得最初的感動嗎?

於 1日之前發表

二十年前今日《真・三國無雙》橫空出世 你還記得最初的感動嗎?...

詳細閱讀

點睇呢個港女

於 1日之前發表

點睇呢個港女...

詳細閱讀